ఎన్నికలను బహిష్కరించండి
– మావోయిస్టు నక్సలైట్ల పిలుపు
నిర్దేశం, భద్రాద్రి కొత్తగూడెం :
బూటకపు పార్లమెంట్ ఎన్నికలను బహిష్కరించండి అంటూ భారత కమ్యూనిస్టు పార్టీ మావోయిస్టు తెలంగాణ పేర లేఖ విడుదల అయింది. బ్రాహ్మణీయ హిందుత్వ ఫాసిస్ట్ భారతీయ జనతా పార్టీ ని తన్ని తరమండని, భారతీయ నూతన ప్రజాస్వామిక విప్లవాన్ని విజయవంతం చేయండని ఆ లేఖలో నక్సలైట్లు పేర్కొన్నారు. సామ్రాజ్యవాద ప్రపంచీకరణ విధానాలను అమలు చేసే ప్రజావ్యతిరేక కాంగ్రెస్ పార్టీని వ్యతిరేకించాలన్నారు. విప్లవ ప్రజా రాజ్యాధికార సంస్థలో చేరండి. నూతన ప్రజాస్వామిక విప్లవం విజయవంతం చేసి సోషలిజాన్ని నిర్మించుకోండి అంటూ లేఖలో మావోయిస్టు పార్టీ ప్రజలకు పిలుపునిచ్చింది.
