దక్షిణ మధ్య రైల్వే నుండి మార్చి 18 న
మొదటి భారత్ గౌరవ్ రైలు ప్రారంభం
ఈ రైలు భారతదేశంలోని ముఖ్యమైన చారిత్రక, సాంస్కృతిక ప్రదేశాలను మరియు పుణ్యక్షేత్రాలను కలుపుతూ దేశంలో పర్యాటకాన్ని ప్రోత్సహిస్తుంది. ఈ పర్యటన ఐ ఆర్ సి టి సి ద్వారా నిర్వహించబడుతుంది మరియు రెండు తెలుగు రాష్ట్రాల్లోని ప్రయాణికులు ఎక్కేందుకు , దిగే సౌకర్యాన్ని అందిస్తుంది.
హైదరాబాద్, మార్చి 15 : రైల్వే మంత్రిత్వ శాఖ దేశంలోని విశిష్టమైన ప్రదేశాలను సందర్శించేందుకు మరియు భారతదేశ గొప్ప సాంస్కృతిక వారసత్వాన్ని చాటిచెప్పే లక్ష్యంతో రైలు ప్రయాణం ద్వారా అనుసంధానించడానికి ‘భారత్ గౌరవ్’ రైలు అనే పేరుతో ఈ రైలును ప్రవేశపెట్టింది.
దక్షిణ మధ్య రైల్వే జోన్‌లో ఇండియన్ రైల్వేస్ క్యాటరింగ్ అండ్ టూరిజం కార్పొరేషన్ (ఐ ఆర్ సి టి సి ) మొదటి సర్వీస్ ప్రొవైడర్‌గా నమోదు చేసుకుంది. ఐ ఆర్ సి టి సి యొక్క మొదటి భారత్ గౌరవ్ టూరిస్ట్ ట్రైన్ సర్వీస్‌ను 18 మార్చి , 2023న దక్షిణ మధ్య రైల్వే నుండి ప్రారంభం కానుంది . ఈ రైలు పేరును ‘పుణ్యక్షేత్ర యాత్ర: పూరీ – కాశీ – అయోధ్య’ యాత్ర గా నామకరణం చేసారు . ఈ రైలు సికింద్రాబాద్ రైల్వే స్టేషన్ నుండి మొదలై రెండు తెలుగు రాష్ట్రాల లోని ఆయా స్టేషన్ లలో ప్రయాణికుల ఎక్కేందుకు /దిగేందుకు మార్గంలోని ముఖ్యమైన రైల్వే స్టేషన్‌లలో ఆగుతుంది.
ఇందుకు సంబంధించి, ఈ రైలు యొక్క విశేషాలను అలాగే ప్రాముఖ్యతను దక్షిణ మధ్య రైల్వే జనరల్ మేనేజర్ శ్రీ అరుణ్ కుమార్ జైన్ ఈరోజు 15 మార్చి 2023 న సికింద్రాబాద్‌లోని రైల్ నిలయంలో పత్రిక సమావేశం నిర్వహించారు . ఈ సమావేశంలో దక్షిణ మధ్య రైల్వే ఎ జి ఎం శ్రీ పి. ఉదయ్‌ కుమార్ రెడ్డి, సికింద్రాబాద్ డిఆర్‌ఎం శ్రీ అభయ్‌ కుమార్ గుప్తా, ఐఆర్‌సిటిసి గ్రూప్‌ జనరల్ మేనేజర్ శ్రీ పి. రాజా కుమార్‌తో పాటు రైల్వే ఉన్నతాధికారులు కూడా పాల్గొన్నారు.
ఈ పత్రిక సమావేశాన్ని ఉద్దేశించి శ్రీ అరుణ్ కుమార్ జైన్ మాట్లాడుతూ, ఐ ఆర్ సి టి సి నిర్వహిస్తున్న “పుణ్యక్షేత్ర యాత్ర: పూరి – కాశి – అయోధ్య” భారత్ గౌరవ్ పర్యటన అనేక చారిత్రక మరియు పుణ్యక్షేత్రాలను ఒకేసారి సందర్శించాలనుకునే రైలు ప్రయాణీకులకు గొప్ప అవకాశం అని పేర్కొన్నారు.
ఈ యాత్ర మార్చి 18 నుంచి 26 మార్చి 2023 వరకు 8 రాత్రులు మరియు 9 పగలు సాగే ఈ పుణ్యక్షేత్ర యాత్ర పూరీ , కోణార్క్, గయా, వారణాసి, అయోధ్య మరియు ప్రయాగ్రాజ్ వంటి ముఖ్యమైన ఆధ్యాత్మిక ప్రదేశాలను కవర్ చేస్తుందని ఆయన పేర్కొన్నారు. ఈ పర్యటన ప్రయాణికులకు వైవిధ్యమైన, సౌకర్యవంతమైన పర్యాటక అనుభూతిని అందిస్తుందని అన్నారు. రెండు తెలుగు రాష్ట్రాల్లోని ఎంపిక చేయబడిన స్టేషన్ల నుండి అనగా సికింద్రాబాద్, కాజీపేట, ఖమ్మం, విజయవాడ, రాజమండ్రి, విశాఖపట్నం మరియు విజయనగరం స్టేషన్ లలో ప్రయాణికులు ఎక్కవచ్చు / దిగవచ్చు.
వ్యక్తిగతంగా ప్రయాణించే సందర్భంలో ప్రయాణికులు తమ ప్రయాణ ప్రణాళికలో సరిపడు రైళ్లు, వసతి, ఆహారం మొదలైన ప్రయాణ సంబంధిత విషయాలలో కలిగే అన్ని రకాల ఇబ్బందులను ఈ రైలు నివారిస్తుందని ఆయన పేర్కొన్నారు. ఈ రైలు అన్నీ రకాల వసతులతో కలిసిన ప్యాకేజీతో సేవలను అందిస్తుంది . కాబట్టి ప్రయాణీకులు ఆ ఏర్పాట్ల గురించి ఏ మాత్రం ఆందోళన చెందాల్సిన అవసరం లేదు. పర్యాటక రంగంలో విశేష అనుభవం ఉన్న ఐ ఆర్ సి టి సి అన్ని అంశాలను పరిగణనలోకి తీసుకున్న తర్వాత పర్యటన కార్యక్రమాలను ను రూపొందించింది. ఇది సౌకర్యవంతమైన, సురక్షితమైన మరియు సురక్షితమైన ప్రయాణ ఎంపికను అందిస్తుంది.
ప్రయాణికులు ఎక్కే /దిగు స్టేషన్లు సికింద్రాబాద్, కాజీపేట, ఖమ్మం, విజయవాడ, ఏలూరు, రాజమండ్రి, సామర్లకోట, విశాఖపట్నం & విజయనగరం
పర్యటన ముఖ్యాంశాలు:
పర్యటన పేరు పుణ్య క్షేత్ర యాత్ర: పూరి-కాశీ – అయోధ్య
వ్యవధి 8 రాత్రులు/9 పగలు
పర్యటన తేదీ 18.03.2023
పర్యటన/రైలు ప్రయాణ కూర్పు సికింద్రాబాద్ – పూరి – కోణార్క్ – గయ – వారణాసి – అయోధ్య – ప్రయాగ్రాజ్- సికింద్రాబాద్.
సీట్ల సంఖ్య 700 (స్లీపర్: 460, 3 ఏసీ: 192, 2 ఏసీ: 48)
కవర్ చేయబడిన గమ్యస్థానాలు మరియు సందర్శన ప్రాంతాలు ::
పూరి: జగన్నాథ దేవాలయం.
కోణార్క్: సూర్య దేవాలయం & బీచ్.
గయ: విష్ణు పాద ఆలయం.
వారణాసి: కాశీ విశ్వనాథ ఆలయం & కారిడార్, కాశీ విశాలాక్షి మరియు అన్నపూర్ణా దేవి ఆలయం. సాయంత్రం గంగా హారతి
అయోధ్య: సరయు నది వద్ద రామజన్మ భూమి, హనుమాన్‌గర్హి మరియు హారతి.
ప్రయాగ్రాజ్: త్రివేణి సంగమం, హనుమాన్ మందిర్ మరియు శంకర్ విమాన మండపం.
భారత్ గౌరవ్ టూరిస్ట్ రైలు యొక్క తదుపరి ప్రయాణ యాత్ర ఇదే ప్రయాణ ప్రణాళికతో 18 ఏప్రిల్ 2023 నుండి ప్రారంభమవుతుంది.
