అగ్ని ప్రమాదం.. హైదరాబాద్ నుంచి దేశ వ్యాప్తంగా ఆ అగ్ని ప్రమాదాలు పెరిగి పోతున్నాయి. ఝార్ఖండ్ ధన్బాద్లో ఆస్పత్రిలో ఘోర అగ్ని ప్రమాదం.. వైద్య దంపతులు సహా ఐదుగురి మృతి
ఝార్ఖండ్ ధన్బాద్లో ఘోర అగ్ని ప్రమాదం ప్రమాదం జరిగింది. ఓ ఆస్పత్రిలో జరిగిన అగ్ని ప్రమాదంలో వైద్య దంపతులతో పాటు ఐదుగురు మరణించారు. సమాచారం అందకున్న పోలీసులు, ఎనిమిది అగ్నిమాపక దళాలు ఘటనాస్థలికి చేరుకుని మంటలను అదుపులోకి తెచ్చాయి. బ్యాంక్మోర్ పోలీస్ స్టేషన్ పరిధిలో జరిగిందీ ఘటన.
వికాస్ హజారా, ప్రేమ హజారా అనే దంపతులిద్దరూ వృత్తిరీత్యా వైద్యులు. వీరు సొంతంగా ఆస్పత్రిని నిర్మించుకున్నారు. వీరి ఇల్లు కూడా ఆస్పత్రిలోనే ఉంది. వీరి ఇంటికి, ఆస్పత్రికి ఓ కారిడార్ ఉంది. ఈ కారిడార్లో ఒక్కసారిగా మంటలు చెలరేగి దట్టమైన పొగ ఏర్పడింది. ఈ పొగ వల్ల ఊపిరాడక వైద్య దంపతులు సహా వీరి పనిమనిషి, మరో ఇద్దరు ప్రాణాలు కోల్పోయారు. ఈ ప్రమాదంలో రోగులెవరూ చనిపోలేదని పోలీసులు తెలిపారు. అలాగే మంటలు ఆస్పత్రి రెండో అంతస్తుకు వ్యాపించాయని పేర్కొన్నారు.