అప్సర కేసులో విస్తుపోయే నిజాలు
హైదరాబాద్, జూన్ 17 : హైదరాబాద్ నగరాన్ని ఉలిక్కిపడేలా చేసిన సరూర్నగర్ అప్సర హత్య కేసులో సినిమాను మించిన ట్విస్ట్లు వెలుగులోకి వస్తున్నాయి. అయితే.. పూజారి సాయికృష్ణకు పోలీసుల కస్టడీ ముగియనుండటంతో.. సీన్ రీ కన్స్ట్రక్షన్ చేశారు. కాగా… ఈ సీన్ రీ కన్స్ట్రక్షన్ చేసిన పోలీసులకు విస్తుపోయే నిజాలు తెలిసాయి. పూజారి సాయికృష్ణ.. తన ప్రియురాలు అప్సరను శంషాబాద్లో చంపి.. తన కారులో తీసుకొచ్చి మ్యాన్ హోల్లో పూడ్చేశాడు. ఈ కేసులో సాయికృష్ణను పోలీసులు గురువారం రోజు కస్టడీలోకి తీసుకున్నారు.
కాగా.. సాయికృష్ణ కస్టడీ శనివారం ముగియనుండటంతో.. ఈరోజు శంషాబాద్ మండలం సుల్తాన్పూర్ వద్ద అప్సరను హత్య చేసిన ప్రదేశానికి, అక్కడి నుంచి పాతిపెట్టిన స్థలానికి సాయికృష్ణను తీసుకెళ్లి సీన్ రీ కన్స్ట్రక్ట్ చేశారు. ఆ స్థలాల్లో పోలీసులు కీలక ఆధారాలు సేకరించినట్టు సమాచారంనిందితుడు సాయికృష్ణ అప్సరను హత్య చేయడానికి 15 రోజుల ముందే పక్కాగా ప్లాన్ వేసుకున్నాడు. హత్య ఎలా చేయాలి..? శవాన్ని ఎక్కడ పూడ్చేయాలి..? సాక్ష్యాధారాలు దొరకకుండా ఏం చేయాలి..? లాంటి విషయాలపై పక్షం రోజుల ముందే పక్కాగా ఓ ప్లాన్ సిద్ధం చేసుకున్నాడు.
సాయికృష్ణ పూజారిగా చేస్తున్న బంగారు మైసమ్మ గుడి వెనక ఉన్న ఆసుపత్రి వద్ద ఏకంగా 20 అడుగుల గుంత తీయించాడు. అయితే.. అది గమనించిన ఆసుపత్రి సిబ్బంది సాయికృష్ణను వారించడంతో.. వెంటనే గుంతను పూడ్చివేయించాడు.అనంతరం.. ప్లాన్లో కొన్ని మార్పులు చేసి.. అనుకున్న విధంగానే అప్సరను ట్రాప్ చేసి హత్య చేశాడు. ప్లాన్లో చేసిన ఛేంజ్ ప్రకారం.
. డ్రైనేజీ మ్యాన్ హోల్ వద్ద స్థలం ఉండటంతో.. అక్కడే అప్సర మృతదేహాన్ని పూడ్చిపెట్టాడు. అనంతరం.. ఎవ్వరికీ డౌట్ రాకుండా.. సాక్ష్యాలు దొరకుండా ఉండేందుకు.. మ్యాన్హోల్ వద్ద రెండు లోడ్ల మట్టి పోయించాడు. అక్కడితో ఆగకుండా దానిపై కాంక్రీట్ వేసి పూర్తిగా మూయించేశాడు. నిందితుడు సాయికృష్ణ టిప్పర్ ద్వారా మ్యాన్ హోల్పై మట్టి పోయించగా.. ఆ టిప్పర్ యజమానిని, కూలీని పిలిచి పోలీసులు వారి నుంచి స్పాట్లో స్టేట్ మెంట్ రికార్డ్ చేశారు.పూజారి సాయికృష్ణ చేసిన ఈ హత్య కేసులో బయటపడుతున్న ఒక్కో ట్విస్ట్.. క్రైమ్ మూవీని మించి ఉండటం అందరినీ ఆశ్చర్యానికి గురిచేస్తున్నాయి. ఇప్పటికే పోలీసులు కోర్టుకు సమర్పించిన రిమాండ్ రిపోర్టులో సంచలన విషయాలను పేర్కొన్నారు.
అవే కాకుండా.. వాళ్ల కుటుంబాలు కూడా ఎవ్వరికీ తెలియని నిజాలను బయటపెడుతూ ఎప్పటికప్పుడు ఆశ్చరపరుస్తూనే ఉన్నారు. ఇంకా.. ఈ కేసు ఓ కొలిక్కి వచ్చే సమయానికి ఈ కేసులో ఇంకెన్ని ట్విస్టులు బయటికి వస్తాయోనని పోలీసులు మరింత లోతుగా దర్యాప్తు చేస్తున్నారు