హైదరాబాద్ బ్యూటీ క్లినిక్ లపై వైద్య బృందం దాడులు
– అనుమతులు లేని క్లినిక్ లకు నోటీసులు
హైదరాబాద్ లోని రాయదుర్గం ప్రాంతంలో దీప్తి పర్మినెంట్ మేకాప్ అండ్ కాస్మోటిక్ క్లీనిక్, మాదాపూర్ లోని వీ – స్పార్క్ వెల్ నెస్ క్లీనిక్ లపై రంగారెడ్డి జిల్లా డీఎంహెచ్ వో ఆధ్వర్యంలో వైద్యుల బృందం దాడులు నిర్వహించింది. ఈ దాడులలో ప్రభుత్వ అనుమతి (లైసెన్స్ ) లేకుండా మరియు అర్హులైన డెర్మటా లీజిస్ట్ లేకుండా స్కిన్ ట్రీట్ మెంట్ ఇస్తున్నట్లుగా తేలింది.
అలాగే ప్రభుత్వ నిబంధనలకు విరుద్దంగా డ్రగ్స్ లైసెన్స్ లేకుండా బ్యూటీ ప్రొడక్ట్స్ ను విక్రయిస్తున్నారని వైద్య బృందం గుర్తించింది. ఈ సందర్భంగా రంగారెడ్డి DMHO వెంకటేశ్వర్లు గారు దీప్తి పర్మినెంట్ మేకాప్ అండ్ కాస్మోటిక్ క్లీనిక్, మాదాపూర్ లోని వీ – స్పార్క్ వెల్ నెస్ క్లీనిక్ లకు నోటీసులు జారీ చేశారు. ప్రభుత్వ అనుమతులు లేకుండా, సరియైన డాక్టర్ లు లేకుండా కొనసాగే క్లీనిక్ లను ప్రజలు గుర్తించి వెళ్లకుండా ఉండాలని విజ్ఞప్తి చేశారు వెంకటేశ్వర్లు.
– యాటకర్ల మల్లేష్, జర్నలిస్ట్
