ఆ ఇంట్లో హిందూ – క్రిస్టియన్ మతాలు.. ఇంటి పెద్ద మరణిస్తే అంత్యక్రియలు..?

ఆ ఇంట్లో హిందూ – క్రిస్టియన్ మతాలు

– ఇంటి పెద్ద మరణిస్తే అంత్యక్రియలు..?

నిర్దేశం, నిజామాబాద్ :

ఔను.. ఆ ఇంట్లో హిందూ – క్రిస్టియన్ మతాల మధ్య ఇంటి పెద్ద మరణిస్తే ఏ మతంతో అంత్యక్రియలు నిర్వహించాలనేది ప్రశ్న..? మొదటి నుంచి ఆ కుటుంబీకులంతా హిందువులే.. కానీ.. పరిసర ప్రాంతాలలో క్రిస్టియన్స్ ఉండటంతో ఆ ప్రభావం ఆ కుటుంబంపై పడ్డది. అంతే.. ఆ కుటుంబం క్రిస్టియన్ మతం స్వీకరించింది. ఆ తరువాత ఏమి జరిగిందంటే.. ఈ రియల్ స్టోరి చదువాల్సిందే..

         నిజామాబాద్ జిల్లా ఇందల్ వాయి మండలం గన్నారం గ్రామానికి చెందిన గంగారం కుటుంబం గత ముప్పై ఏళ్లుగా నిజామాబాద్ నగరంలోని  కంఠేశ్వర్ ప్రాంతంలో క్రిస్టియన్ కాలోనిలో ఉంటున్నారు. అయితే.. ఆ ప్రాంతంలో క్రిస్టియన్స్ ఎక్కువ ఉండటం వల్ల ఆ ప్రభావం ఆ కుటుంబంపై పడ్డది. అంతే.. హిందు మతానికి గుడ్ బై చెప్పి క్రిస్టియన్ మతం స్వీకరించింది ఆ కుటుంబం.

ఆ కుటుంబీకులంతా క్రిస్టియన్ గా మారారు. ఆ ఇంటి  పెద్ద గంగారాం హార్ట్ అటాక్ తో మంగళవారం మరణించారు.  మరణించిన గంగారాం అంత్యక్రియలు హిందూ – క్రిస్టియన్ ఏ మత సాంప్రదాయం ప్రకారం అంత్యక్రియలు చేయాలనేది ప్రశ్న..

ఫైనల్ గా హిందువుగా  పుట్టిన గంగారాం అంతక్రియలు హిందు సంప్రదాయంలో నిర్వహించాలని నిర్ణయించారు.

కానీ… క్రిస్టియన్ మతం స్వీకారించిన గంగారాం కుమారుడు సందీప్ తో కాకుండా భార్య బుజ్జితోనే  హిందూ సంప్రదాయం ప్రకారం దహన సంస్కారాలు నిర్వహించడం విశేషం.  చావు వద్ద మతం ప్రధానం కావడంపై అంత్యక్రియలకు హాజరైన బంధువులు చర్చించుకోవడం కనిపించింది.