నిర్దేశం, సినిమాః ఐకాన్ స్టార్ అల్లు అర్జున్ చిత్రం ‘పుష్ప-2: ది రూల్’ విడుదలకు ముందే వివాదాల్లో చిక్కుకుంది. ఈ సినిమా కోసం ప్రేక్షకులు చాలా కాలంగా ఎదురుచూస్తున్నారు. అయితే ఈ సినిమా విడుదలకు ముందే బ్యాన్ చేయాలనే డిమాండ్లు వినిపిస్తున్నాయి. పుష్ప-2 లో ఉన్న ఒక సన్నివేశానికి వ్యతిరేకంగా హర్యానాలో కేసు నమోదైంది.
హర్యానాలోని హిసార్‌లో పుష్ప-2 మీద‌చాలా కలకలం ఉంది. వాస్తవానికి, హిసార్‌లోని ఒక గ్రామంలోని పోలీస్ స్టేషన్‌లో ఈ చిత్రంపై ఫిర్యాదు నమోదైంది. హిస్సార్‌కు చెందిన కులదీప్ కుమార్ ఈ ఫిర్యాదు చేశారు. ఈ సినిమా హిందువుల మనోభావాలను దెబ్బతీసేలా ఉందని ఆరోపించారు.
విషయం ఏమిటి?
పుష్ప-2 ట్రైలర్‌లో అల్లు అర్జున్‌ని అర్ధనారీశ్వర్‌గా చూపించారని ఫిర్యాదుదారు కులదీప్ చెప్పాడు. ఇందులో మహంకాళి చిత్రం కూడా కనిపిస్తుంది. ఈ సన్నివేశం మతపరమైన మనోభావాలను దెబ్బతీసేలా ఉందని అత‌డు అభిప్రాయపడ్డాడు. మహంకాళి, అర్ధనారీశ్వ‌ర్ సీన్ల‌ను సినిమా నుంచి తొల‌గించాల‌ని ఫిర్యాదుదారు డిమాండ్ చేశారు. అలా చేయకుంటే హర్యానాలో సినిమాను విడుదల చేసేందుకు అనుమతించబోమని ఫిర్యాదులో పేర్కొన్నాడు.
