పీజీ వైద్య మొదటి విడత ప్రవేశాలకు కాళోజి హెల్త్ యూనివర్సిటీ ప్రకటన
యాజమాన్య కోటా సీట్ల భర్తీకి ఈ నెల 25నుంచి 27వ తేదీ వరకు వెబ్ ఆప్షన్లు.
వరంగల్, ఆగష్టు 24 : కాళోజి హెల్త్ యూనివర్సిటీ పీజీ వైద్య సీట్ల భర్తీకి కాను ఈ నెల 25 నుండి 27 వరకు మొదటి విడత వెబ్ కౌన్సిలింగ్ నిర్వహించనున్నట్లు యూనివర్సిటీ ప్రకటించింది. దరఖాస్తు ప్రక్రియ ముగియడంతో మొదటి విడత వెబ్ ఆప్షన్లు కాళోజీ ఆరోగ్య విశ్వవిద్యాలయం నోటిఫికేషన్ విడుదల చేసింది.
యూనివర్సిటీ పరిధిలోని పీజీ వైద్య కళాశాలల్లో యాజమాన్య కోటా సీట్లను ఈ నోటిఫికేషన్ ద్వారా భర్తీ చేయనున్నారు. ఈ నెల 25 ఉదయం 8 గంటల నుంచి 27 వ తేదీన సాయంత్రం4గంటల వరకు మెరిట్ జాబితాలోని అర్హులైన అభ్యర్థులు కళాశాలల వారీగా ఆప్షన్లు నమోదు చేసుకోవాలి.
మెరిట్ జాబితా అదేవిదంగా సీట్ల ఖాళీల వివరాలను వెబ్సైట్ లో పొందుపరిచారు మరింత సమాచారం కోసం యూనివర్సిటీ వెబ్సైట్ www.knruhs.telangana.gov.in ను చూడవలసిందిగా యూనివర్సిటీ వర్గాలు ఒక ప్రకటనలో తెలిపారు.
