నిర్దేశం, హైద‌రాబాద్ః ఆగస్టు 30న టెక్సాస్‌లోని అన్నాలో జరిగిన ఘోర ప్రమాదంలో హైదరాబాద్‌కు చెందిన ఇద్దరు సహా మొత్తం నలుగురు భారతీయులు మరణించారు. బాధితులను ఆర్యన్ రఘునాథ్ ఓరంపాటి, ఫరూక్ షేక్, లోకేష్ పాలచర్ల, దర్శిని వాసుదేవన్‌లుగా గుర్తించారు. నలుగురు మృతులు కార్‌పూలింగ్ అనే యాప్ ద్వారా ఒకే కారులో అర్కాన్సాస్‌లోని బెంటన్‌విల్లేకు వెళుతున్నారు. అనంత‌రం, వారి యాత్ర ఇలా విషాదకరంగా ముగిసింది.
బెంటన్‌విల్లేలో నివసిస్తున్న ఆర్యన్ రఘునాథ్ ఓరంపతి డల్లాస్‌లోని తన బంధువును సందర్శించి ఇంటికి తిరిగి వస్తున్నాడు. లోకేశ్ పాలచర్ల బెంటన్‌విల్లేలోని తన భార్య వద్దకు వెళ్తుండ‌గా, ఇటీవల ఆర్లింగ్టన్‌లోని టెక్సాస్ విశ్వవిద్యాలయంలో మాస్టర్స్ డిగ్రీ పొందిన దర్శిని వాసుదేవన్ బెంటన్‌విల్లేలోని తన మామ వద్దకు వస్తున్నాడు. ప్రమాదం జరిగిన తర్వాత బాధితులను గుర్తించడంలో వారు ఉపయోగించిన కార్‌పూలింగ్ యాప్ కీలక పాత్ర పోషించింది. ఈ ప్రమాదం మధ్యాహ్నం 3:30 గంటలకు జరిగింది.
ప్రమాదం జరిగిన వెంట‌నే.. ఎస్‌యూవీకి మంటలు అంటుకున్నాయి. లోప‌ల ఉన్న‌వారు బ‌య‌టికి రాకుండా పెద్ద ఎత్తున మంటలు ర‌గులుకున్నాయి. కారులో ఉన్న‌వారు పూర్తిగా కాలిపోయి, వారిని గుర్తించడం కూడా చాలా కష్టమైంది. వారి గుర్తింపును నిర్ధారించడానికి డీఎన్ఏ, వేలిముద్ర, పంటి రికార్డులపై ఆధారపడుతున్నారు. అమెరికాలో సుదీర్ఘ వారాంతపు సెలవుల్లో ప్ర‌యాణం సంక్లిష్టంగా ఉంటుంది.
హైదరాబాద్‌లోని కూకట్‌పల్లికి చెందిన ఆర్యన్ ఓరంపతి ఇటీవలే ఇంజినీరింగ్ పూర్తి చేసి రెండేళ్లు అమెరికాలో ఉద్యోగం చేయ‌డానికి వెళ్లాడు. అత‌డి తండ్రి సుభాష్ చంద్రారెడ్డి హైదరాబాద్‌లో వ్యాపారి. హైదరాబాద్‌కు చెందిన ఫరూక్ షేక్ మాస్టర్స్ డిగ్రీ కోసం మూడేళ్ల క్రితం అమెరికా వెళ్లి బెంటన్‌విల్లేలో నివసిస్తున్నాడు. మ‌రో బాధితుడు ఫరూక్ షేక్ కూడా బెంటన్‌విల్లేలో నివాసం ఉంటున్నాడు. మాస్టర్స్ డిగ్రీ పూర్తి చేసేందుకు మూడేళ్ల క్రితం అమెరికా వెళ్లిన అతడు ఆర్యన్‌కు స్నేహితుడు. బాధితుల కుటుంబాలు త‌మ వారి మృత‌దేహాల‌ను స్వ‌దేశం తీసుకురావాల‌ని విదేశాంగ మంత్రి ఎస్ జైశంకర్ ను కోరుతున్నారు.
