మహిళను గర్భవతిని చేసిన గ్రహాంతరవాసి: సంచలనం రేపుతున్న పెంటగాన్ రిపోర్ట్

అమెరికా రక్షణ శాఖ కార్యాలయం పెంటగాన్ కు చెందిన డిఫెన్స్ ఇంటెలిజెన్స్ ఏజెన్సీ రిపోర్టులో ఏలియన్ కారణంగా ఒక మహిళ గర్భం దాల్చిందని ఉన్నట్టు తెలుస్తోంది. ప్రముఖ వార్తా సంస్త ‘ది సన్’ ఈ విషయాన్ని వెల్లడించింది. ఓ వ్యక్తి వేసిన సమాచార హక్కు పిటిషన్ ద్వారా ఈ విషయం వెలుగులోకి వచ్చిందని తెలిపింది.

ఈ రిపోర్టు 1,500కు పైగా పేజీలను కలిగి ఉంది. కనీసం ఐదు సార్లు ఏలియన్, హ్యూమన్ సెక్సువల్ ఎన్ కౌంటర్లు జరిగినట్టు రిపోర్టులో ఉంది. ఒక మహిళ గర్భవతి అయినట్టు రిపోర్టు పేర్కొంది. ఏలియన్స్ ను, వాళ్లు ప్రయాణించే ఎగిరే పళ్లాలను చూసిన వారు అసాధారణ ఆరోగ్య సమస్యలను ఎదుర్కొన్నట్టు తెలిపింది. జుట్టు రాలడం, తలనొప్పి, పీడ కలలు, చర్మంపై కాలిన గాయాలు, గుండె దడ, ముక్కు నుంచి రక్తం కారడం వంటి సమస్యలు ఎదుర్కొన్నారని చెప్పింది. ఫ్లయింగ్ సాసర్ నుంచి వచ్చే రేడియేషన్ వల్ల ఇలా జరిగుండొచ్చని తెలిపింది. ఏదేమైనప్పటికీ ఇప్పుడు ఈ వార్త సెన్షేషనల్ గా మారింది.