నేపాల్ లో హిందూరాష్ట్రం కోసం హింసాత్మ‌క నిరసనలు
– నిర‌స‌న‌ల్లో యోగి ఆదిత్యనాథ్ ఫొటోలు
– రాచరికాన్ని తిరిగి ప్ర‌తిష్టించాల‌ని నిర‌స‌కారుల డిమాండ్
– నిర‌స‌న ప్రారంభ‌మైన కాసేప‌టికే హింసాత్మ‌కం
– నిర‌స‌న‌కారుల‌ను అదుపు చేయ‌లేక చేతులెత్తేసిన పోలీసులు
నిర్దేశం, ఖాట్మండుః
నేపాల్‌లో మళ్లీ రాచరికం పునరుద్ద‌రించాలంటూ గత కొన్ని రోజులుగా భారీ ఎత్తున నిరసనలు కొన‌సాగుతున్నాయి. నిజానికి ప్రభుత్వ వ్య‌తిరేక‌త‌తో ప్రారంభ‌మైన ఈ నిరసనలు హిందూ రాష్ట్రం డిమాండ్ వైపుకు వెళ్లాయి. నిరసనలో పాల్గొన్న చాలా మంది నేపాల్‌లో రాచరికాన్ని పునరుద్ధరించాలనే డిమాండ్‌కు మ‌ద్ద‌తు ఇస్తున్నారు. ప్రస్తుతం నేపాల్‌లో ప్రజాస్వామ్య వ్యవస్థ ఉంది. అయితే, నేపాల్‌ను మళ్ళీ హిందూ దేశంగా మార్చాలన్న‌ది వారి డిమాండ్.
2008లో నేపాల్‌లో రాచరిక వ్యవస్థను రద్దు చేశారు. అప్పటి నుండి నేపాల్‌లో ప్రజాస్వామ్యం ఉంది. దీనికి ముందు, నేపాల్‌లో 239 సంవత్సరాలు నిరంతర రాచరిక వ్య‌వ‌స్త కొన‌సాగింది. సమస్య ఏమిటంటే 2008 నుండి నేపాల్‌లో 11 సార్లు ప్రభుత్వాలు మారాయి. అందుకే ప్ర‌భుత్వాల‌పై జనాలు విసిగిపోయారు.
హిందూ దేశం కోసం డిమాండ్ ఎందుకు పెరుగుతోంది?
గత ఆదివారం, మాజీ రాజు జ్ఞానేంద్ర షా నేపాల్ రాజధాని ఖాట్మండులోని త్రిభువన్ అంతర్జాతీయ విమానాశ్రయానికి చేరుకున్నారు. ఆయనకు స్వాగతం పలికేందుకు విమానాశ్రయానిక భారీ సంఖ్యలో జనం వచ్చారు. వారిలో చాలామంది నారాయణార్థిని ఖాళీ చేయండి, మన రాజు వస్తున్నాడు అంటూ నినాదాలు చేశారు. నారాయణహితి అనేది నేపాల్ రాజభవనం, అక్కడ ఆ దేవ రాజు నివసించేవారు.
నేపాల్ మాజీ రాజు జ్ఞానేంద్రను రాజు పదవి నుండి తొలగించినప్పటి నుండి, ఆయన బ‌య‌ట చాలా అరుదుగా కనిపిస్తున్నారు. ఇప్పుడు ప్రశ్న ఏమిటంటే, నేపాల్‌లో రాచరికం సమస్య అకస్మాత్తుగా ఎందుకు లేవనెత్తడం ప్రారంభమైంది? నేపాల్ ప్రజలు ప్రస్తుత ప్రభుత్వంతో సంతోషంగా లేరా? నేపాల్‌లో తరచుగా అధికార మార్పులు చోటు చేసుకోవడంతో ప్రజలు సంతోషంగా లేరని మీడియాలో అనేక నివేదికలు వచ్చాయి. ప్రభుత్వ పనితీరు పట్ల కూడా వారు సంతోషంగా లేరు. ప్రభుత్వం ప్రజల అంచనాలకు అనుగుణంగా పనిచేయడం లేదట.
యోగి ఆదిత్యనాథ్ ఫోటోపై వివాదం
నేపాల్ మాజీ రాజు జ్ఞానేంద్ర షాను స్వాగతించడానికి గుమిగూడిన జనసమూహం, ఉత్తరప్రదేశ్ ముఖ్యమంత్రి యోగి ఆదిత్యనాథ్ చిత్రప‌టాలు పట్టుకుని హిందూ రాష్ట్ర నినాదాలు చేశారు. ఈ చిత్రం మీడియాలో వచ్చిన వెంటనే, భారతదేశం గురించి చర్చ ప్రారంభమైంది. అయితే, ఈ ప్రదర్శనకు సంబంధించి భారతదేశం నుండి ఎటువంటి అధికారిక స్పందన రాలేదు. అయినప్పటికీ, నేపాల్ ప్రధాన మంత్రి కె.పి. శర్మ ఓలి పార్టీ నుండి ఒక ప్రకటన మీడియాలో వచ్చింది.
ఈ చిత్రంపై నేపాల్ కమ్యూనిస్ట్ పార్టీ స్పందిస్తూ.. భారత రాయబార కార్యాలయంలో ఆశ్రయం పొందిన త్రిభువన్ షాను నేపాల్ రాజుగా చేసింది 1950లో. ఇప్ప‌టి ప‌రిస్తితి వేరు. కాబట్టి జ్ఞానేంద్ర షాకు సంబంధించి ఏదైనా ప్రణాళిక ఉంటే, దానిని వదిలివేయడమే మంచిదని కెపి శర్మ ఓలి పార్టీ పేర్కొంది. అదే ప్రకటనలో, జ్ఞానేంద్ర షాను మహా కుంభమేళాకు కూడా ఆహ్వానించలేదని, అలాంటప్పుడు అతను తనను తాను హిందూ హృదయ సామ్రాట్ అని ఎలా చెప్పుకోగలడని, యోగి కూడా అతన్ని ఆహ్వానించలేదని అన్నారు.
మీడియా నివేదికల ప్రకారం, నేపాల్ రాజు మహేంద్ర 1964లో నాగ్‌పూర్‌లోని ఆర్‌ఎస్‌ఎస్ ప్రధాన కార్యాలయానికి వచ్చారు. అక్కడ జరిగిన ర్యాలీలో ఆయన ప్రసంగించారు. ఆ సమయంలో ఢిల్లీలో కాంగ్రెస్ ప్రభుత్వం ఉంది. ఆర్‌ఎస్‌ఎస్ అధిపతి గురు గోల్వాల్కర్, కాంగ్రెస్ ప్రభుత్వం మహేంద్ర రాజును ఇక్కడికి ఆహ్వానించలేదని అప్ప‌ట్లో చెప్పారు.
మహేంద్ర రాజు త్రిభువన్ కుమారుడు. ఆయన 1955 నుండి 1972 వరకు నేపాల్ దేశాన్ని పరిపాలించారు. దీని తరువాత రాజు బీరేంద్ర సింహాసనాన్ని అధిష్టించారు. బీరేంద్ర తర్వాత, జ్ఞానేంద్ర 2001లో రాజు అయ్యారు. ఈ ఇద్దరి మధ్య సంబంధం అంతగా స్నేహపూర్వకంగా లేదని చెబుతారు. బిక్రమ్ సింగ్, అతని మొత్తం కుటుంబం హత్యకు గురయ్యారు. జ్ఞానేంద్ర షా 2006 వరకు రాజుగా కొనసాగారు. ఆ తర్వాత, భారీ నిరసనల కారణంగా ఆయన రాజీనామా చేయాల్సి వచ్చింది. 2006లో, నేపాల్‌లో మొదటిసారిగా బహుళ పార్టీ ప్రభుత్వం ఏర్పడింది. మావోయిస్టులతో శాంతి ఒప్పందం కుదిరింది. నేపాల్‌లో రాజు అవ్వాలంటే.. ఆ వ్య‌క్తి హిందూ స్త్రీ గర్భం నుండి పుట్టాల‌నేది అక్క‌డి నియమం.
